మీకు వీధి ఆహారం నుండి టైఫాయిడ్ వస్తుందా?

ఇంట్లో తయారు చేయబడిన ఆహారము సాధారణంగా వినియోగానికి సురక్షితమైనదిగా, వీధి ఆహారం ప్రమాదాలు కలిగించే అవకాశం ఉన్నదిగా పరిగణించబడుతుంది. ఇది అన్నివేళల జరగనప్పటికీ (టైఫాయిడ్ ఇంట్లో కూడా వ్యాపించవచ్చు), ఇంటివద్ద-చేసిన భోజనం సాధారణంగా ఖచ్ఛితమైన పరిశుభ్రత సూత్రాలు అనుసరించి చేయబడుతుంది, కాని వీధి ఆహారం కొన్నిసార్లు సరిగ్గాలేని పరిశుభ్రత ప్రమాణాలలో తయారుచేయబడవచ్చు.

వీధి ఆహారం కలుషితం అయ్యే అవకాశం ఎక్కువగా ఉంది. తరచూ, వీధి విక్రేతలు ఉపయోగించే నీరు వడగట్టనిది లేదా మరిగించనిది. ఒకవేళ వాళ్ళు సురక్షితమైన-త్రాగునీటిని ఉపయోగించినప్పటికీ, ఆహారం తయారు చేసే వ్యక్తులు వంటచేసే ముందు చేతులు కడుక్కొని ఉండకపోవచ్చు. కొన్నిసార్లు, వంటపాత్రలు కడగటానికి ఉపయోగించిన నీరు కూడా అసురక్షితమైనది కావచ్చు. మరికొన్ని సందర్బాలలో, వీధి ఆహారం విక్రేతలు చాలా తక్కువ పారిశుధ్యము ఉన్న ప్రదేశాలలో పనిచేస్తారు, ఉదా- పాదచారుల మార్గంపై లేదా రోడ్డుపక్కన.

చాలామంది వీధి ఆహార విక్రేతలు తమ ఆహారాన్ని ప్రదర్శనకు పెడతారు. ఆహారం ఆకలి పుట్టించేదిగా కనిపించాలని సాధారణంగా ఇలా చేస్తారు, కాని ఆహారాన్ని బహిరంగంగా అలా ఉంచడం వలన, టైఫాయిడ్ వాహకాలు అయిన ఈగలు వాలే అవకాశం ఎక్కువగా ఉంటుంది.

పచ్చి లేదా సరిగ్గా వండని గ్రుడ్లు, మాంసము మరియు చేపలతో కాలుష్య ప్రమాదము ఉంటుంది. మీకు వడ్డించే ప్రతి వంటకము తాజాగా తయారుచేయబడినదని మరియు బాగా ఉడికించబడిందని నిర్ధారించుకోండి.